Moto wa kugomea sensa
unazidi kuchochewa kuni. Sheikh Ponda awatangazia utaratibu Waisilamu. Maandamano
kufanyika nchi nzima wiki ijayo.
Katibu wa Taasisi na Jumuiya za Kiisilamu nchini Sheikh Ponda Issa Ponda akizungumza na waandishi wa habari jijini Dar es Salaam leo, kuhusu zoezi la Sensa linalotarajiwa kufanyika Augost 26 mwaka huu, ambapo alisema waisilamu kamwe hawatashiriki zoezi hilo na watakaa itikafu misikitini usiku wa Augost 25 na kusoma dua mpaka asubuhi.
Masheikh zaidi ya 40 ktoka kwenye taasisi na jumuiya na mabaraza ya kiisilamu nchini ambao pia ni maimamu wa misikiti mbalimbali jijini Dar es Salaam wakiwa wakimuunga mkono Katibu wa taasisi na Jumuiya za Kiisilamu Tanzania Sheikh Ponda Issa Ponda wakati akitangaza maelekezo kwa waisilamu juu ya namna ya kuwajibu makalani wa sensa.
Miongoni mwa mabango ambayo yamesambazwa kwa waisilamu kotenchini kupinga kuhesabiwa kwenye zoezi la Sensa nchini.
Maimamu na masheikh hao wakifuatilia kwa makini tamko la sheikh Ponda mbele ya waandishi wa habari.
KATIKA kile
kinachoonekana kuikomalia serikali kwenye suala la sensa taasisi na jumuiya za
kiisilamu Tanzania (T) leo imetoa utaratibu wa kufuata kwa waisilamu kuanzia
usiku wa kuamkia siku ya sense.
Akizungumza na waandishi wa habari Katibu wa Taasisi na
Jumuiya za kiisilamu Tanzania Sheikh Ponda Issa Ponda amesema wametoa maelekezo
kwa waisilamu wote nchi nzima namna ya kuwajibu mawakala wa sense watakapofika
majumbani mwao.
Akifafanua kauli hiyo sheikh ponda amesema watakapofika
mawakala wa sense wawajibu tumepata maelekezo kutoka kwa viongozi wetu wadini
tusihesabiwe hadi mkakubalianenao kwanza baada ya hapo mtatuhesabu.
Aidha Sheikh Ponda alitoa sababu za kutokuwa na imani na
Sensa hiyo.
*Sababu ya kwanza ni serikali kutokuwa na mazingira
rafiki yanayowezesha sensa ya watu na makazi kuwepo nchini.
*Mfumo wa sensa hauwezeshi madhumuni ya sensa kufikiwa.
*Sensa ili iwe sense nilazima iwahesabu watu wote husika.
* Zoezi lenyewe limegubikwa na matumizi ya mabavu.
Kutokana na hayo taasisi hiyo imetoa msimamo ufuatao,
Sensa hiyo inayotarajiwa kufanyika nchini siyo yenye misingi ya haki na ukweli.
Waisilamu chini ya uongozi na mabaraza na jumuiya
zisizopungua 30 wamejiandaa kutoshiriki zoezi hilo.
Aidha wameishauri serikali kusitisha zoezi hilo ili
kuepusha ufisadi wa pesa za umma na kuweka misingi bora ya zoezi hilo.
Hadi sasa mikoa iliyothibitisha kuandaa maandamano hayo
ni Kigoma Tabora Mwanza Arusha Pwani Morogoro na Dar es Salaam yenyewe.
Wamelaani propaganda na matumizi ya nguvu.
Hata hivyo sheikh Ponda alimalizia kwakutangaza kufanya
maandamano nchi nzima siku ya Jumatano August 29 mwaka huu.
Mwisho:
